😋我都賺夠喇 係時候俾其他人賺下

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

久違嘅 newsletter 出嚟喇！2023 年過咗一大半，唔知大家嘅發達之計進行成點，身為 me want faat daat 作者嘅我好自信咁同大家講：賺緊喇，呢大半年我賺緊錢啊 😆 

我嘅「發財大計」係咩？有睇過 me want faat daat 嘅朋友應該都估到，就係靠買大市買 ETF，唔賭個股，just keep buying：2022 年跌市買，呢排高位都買，唔 time the market，唔 FF 賺快錢，「悶聲發大財」！

如果大家係過去年幾無懷疑人生、無放棄每個月課金入市嘅話，我幾肯定你都同我一齊賺緊（22 年買入個啲全部都賺緊錢）。但投資就係講心（理）多過講金，有朋友問我呢隻股好唔好、個隻勢好好咁，😬 心諗我咪講過好多次我買市，唔信自己有能力同咁好運揀啱個股，點解就係唔肯比啲時間等發達呢？

我試用 chatGPT 問 “Why Hong Kong people don’t buy ETF“，佢答我：

• 欠缺金融知識：唔了解 ETF、有誤解或者懷疑

• 避險：ETF 係香港相對新，佢地可能更願意買自己熟悉嘅傳統投資選擇（例如買匯豐？）

• 入場費高：（呢個就錯嘅，可能 chatGPT 以為我問緊香港人就淨係睇港市；事實上美市 ETF 投資低成本到一個點，用 IB 一次都係一蚊美金手續費，而且可以買一股，唔使一手）

• 唔夠多選擇： （呢個都錯，港市我唔知，但美市 ETF 多不勝數）

• 佣金問題：上面講過，ETF 係 very low cost 的

chatGPT 嘅答案得頭兩個適用，就係唔知咩係 ETF，唔知道投資工具除咗買個股、買匯豐同做定期之外，唔使靠彩數都可以長遠穩定賺錢。

知道咗 ETF 係咩之後，甚至買過個股輸過錢，點解都做唔到定期入市？驚高位入？嫌賺錢慢？覺得投資 = 賭博？呢排做定期利息高已經好夠？覺得自己本太細？呢幾個問題都係之前嘅文章討論過，而且無得一概而論。但你嘅財務目標究竟係想改善生活定係維持原狀（本身好有錢就另計）？ 想提升生活水平嘅話，邊有可能唔投資？ 想發達又保守嘅，唔通真係等錢係天到跌落嚟咩。

希望大家都係呢條發財路越行越發！ 😎

祝大家荷包早日fat fat 🤑

- me want faat daat