我啲錢放邊?

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

開 Me Want Faat Daat 嘅原因係想鼓勵多啲人儘早開始理財計劃，早日實現唔使日日打工都夠錢過日子嘅財務自由。過去同大家 share 唔少專業人士嘅理財知識，我呢啲凡人又係點樣實踐我嘅理財之道？如果大家仲未行動，希望我嘅做法幫到你計劃。

1) 啲錢放邊？

我分三個戶口擺：

第一個出糧戶口放日常開支嘅錢，多數會 keep 一個月糧，所有消費都係扣呢度嘅錢，出糧之後定期搬錢去證券戶口。

第二個銀行戶口就係應急戶口，呢筆錢大概係我六個月開支，突然無收入都夠我半年唔使乞食。「六個月開支」呢個數因人而異，例如我之前保守啲會儲一年開支，減咗係因為我唔會停低唔揾錢，寧願進取啲搬呢半年錢落證券戶口。

第三個係證券戶口，保存大部分身家嘅地方，一出糧我就會將（人工 - 開支）嘅錢搬過嚟，定期買入指數基金。我呢個戶口開 Interactive Brokers，貪佢有得轉數快過錢，開戶口都快，另外每個月有一次可以免手續費攞錢（我暫時得入無出，唔知出錢係咪好似入錢咁快）。

2) 點 track 啲錢？

我用兩張 google sheets：一張記低每月收入開支，一有數就 update；另一張記低所有資產，包括所有股票、現金、MPF、保險等，每個月 update 一次，每半年睇下使唔使 re-balance（例如太多現金係手、某隻個股比例太重）。

唔使設計到好花巧或者複雜，簡單 black and white、落幾條 sum formula 已經夠用，越簡單同方便越堅持到。

3) 儲蓄 X 消費

無任何債務、平日儲蓄 > 消費嘅話就唔使特別理；如果係消費 > 儲蓄就要揾啲方法迫自己儲多啲，例如可以 set auto 過數功能、出糧之後啲錢自動過去另一個戶口，亦可以係 google sheet 記低所有消費 ..... 總之就係要行動，將個環境、生活習慣設計到「迫」到你更方便地儲錢。

至於消費習慣，諗唔到點講先無咁老土，總之 wealth is the money you don't spend! 尤其大家出嚟社會就會觀察到，全身名牌嘅人未必真係有錢，咩都望唔出嘅人可以係隱形富翁，唔好將錢浪費係同人地比較嘅地方，你辛苦揾嘅錢應該換係令你長時間有滿足感嘅地方。

4) 投資

一句講曬，大部分買指數基金，一部分 mega cap / 藍籌股，極少部分個股。

原則就係定期買，唔好捉市場幾時見底 / 高位，買低成本、組合夠多元嘅指數基金，最後就係比啲耐性，無 10 年都唔打算放！

5) 寫低計劃 + 行動啦

有時間追星好過睇網上論壇同無咩質素嘅財經新聞 ，只要有計劃跟住行 + 唔亂投資 + 願意 承擔一定風險 = 慳時間 have fun + 退休有百萬美金都不是夢！

祝大家荷包早日fat fat 🤑

- me want faat daat