股市未必反映當下經濟

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

近半年美市明顯無港市跌得咁甘，但有留意新聞嘅應該經常聽到外國通脹創新高、XX 公司業績差過預期、經濟數據放緩 / 下跌...... Bad news coming every day！

第一次領略到股市未必反映經濟就係 2020 年，3 月美國疫情爆開時股市大跌三成，但無幾個月就回本，升勢仲一直持續到 2021 年。嗰陣我一直諗幾時入市，以為疫情咁耐都搞唔掂，失業率升又做唔到生意，應該無運好行喇掛，偏偏美市就係升到 bang bang 聲，咁就錯過一個有可能提早發達機會，原來個市真係唔 care 你點諗！

最近唔少公司股價回落翻 2020 疫情前，受益於疫情、一時風頭無兩嘅科技股價大斬八、九成都好閒，如果當時我跟住買，好大機會都係攬死唔識放、掛住懷緬曾經風光日子嘅傻仔。慶幸揀錯幾次個股之後知道自己根本無料同大市鬥，認命翻去買指數基金仲好。

股市見底先

摩根大通資產管理嘅投資策略主席 Michael Cembalest 最近寫咗篇文講經濟衰退時好幾次都係股市觸底先。大家睇呢六幅圖：

上面見到除咗 dotcom bubble 科網泡沫之外，其他幾次經濟差環境都係股市觸底先（藍色虛線），之後幾個月先到 GDP、就業人數同收益見底。就算歷史數據唔可以就咁當未來指標，呢個 pattern 對應到我話 2020 年壞消息同股市表現相反，亦係點解 time the market、揀啱時間入市咁難。

經濟差而啲大筆投資咁積極入市，可能係見估值已經夠抵，可能係驚執輸，更大可能就係睇好未來經濟點都會恢復。大家嚟緊幾個月都可以留意下財經新聞標題同股市反應，如果見到日日報壞消息但股市又無大跌，有機會係股市已經見底。

祝大家荷包早日fat fat 🤑

- me want faat daat