打仗嘅話 股市咪跌硬？

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

又要同大家坦白我犯嘅錯

2020年3月美市大跌，嗰陣我心思思想入市，但疫情先開始爆，我驚買完繼續跌，所以我就犯咗一個大錯 — 坐係到咩都無做。點知股市跌咗無幾日就開始升翻，到後半年仲升到創新高，天真嘅我繼續FF：疫情仲未完，肯定會再跌嘅，到時我再買肯定無錯。就係咁我犯咗第二個大錯 — 股市到今日依然跌極有限，20年3月嘅市唔再重現，就係咁我錯失咗一個亂買都好大機會賺錢嘅靚市。

後唔後悔？我第一下嘅反應就係：梗係後悔啦！Tesla升足7、8倍喎，一蚊變八蚊嘅機會可一不可再，仲將Elon Musk推到上神台，Stonks only go up！

但而家再諗翻轉頭，我要多謝呢兩次犯嘅錯令我明白股市可以完全脫離你以為嘅現實同常識。大多數人諗股票升係因為睇好某間公司發展，又或者間公司業績造好。相反，股價跌係因為間公司無咩錢途，或者現實世界有咩大事影響業績，例如疫情、戰爭、氣候變化等等。可惜現實世界嘅股市並唔係每一次都會跟住呢啲事件發展。

地緣政治與股市

近代嘅主要戰爭同衝突，例如係一、二戰，冷戰（包括古巴導彈危機、韓戰、越戰），又或者美國攻打伊拉克等持續影響地緣政治嘅事件，佢地都有一個共通點，就係股市繼續升。當衝突啱啱開始嘅時候，市場出現恐慌而拋售嘅情況當然有，但好多時候只需要幾個月甚至幾日就恢復原有水平。

市場總有拋售嘅原因，但都係個句："Stocks go up"

之前寫 Cash is King! (?) 講過，夠爆炸性嘅負面新聞最吸引大眾眼球，但如果你可以係其他人恐慌、市場短期回落嘅時候保持冷靜，繼續擺一部分嘅錢落投資，等緊你嘅更多係長期回報。

戰爭固然殘酷，但市場就係可以脫離我地想像嘅現實，未必反映政治衝擊或者社會情緒。學識聽唔到啲負面消息而影響投資情緒係難㗎，但比啲耐心堅持多陣，你嘅荷包可能就係咁慢慢變得fat fat。 

祝大家荷包早日fat fat

#StandWithUkraine

  - me want faat daat