Buy low 真係有咁易咩 🙂

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

先比大家睇下呢幅圖：

🥶 疫情期間最受歡迎嘅科技股真係低處未算低，市值 100 億美元以上嘅科股有八成幾都跌緊。坦白講我上面都衰咗隻 + 躺平緊🤥，教訓就係唔好學咗皮毛就以為自己特別叻！唔好亂買個股！有錢不如擺落去 index fund！淨係買輸得起嘅錢，我地無資本 all in 幾隻！

俗語話「五窮六絕」，今次會唔會應驗？定係 this time is different？但對仲後生嘅我地，其實趁機 buy low、唔好 time market 可能先係最啱嘅策略，因為天才都無水晶球，唔會知道幾時先係最低價。連股神巴菲特都係第一季增持蘋果，08年個陣都試過係股市跌到最低之前買入，如果連佢都無辦法time market，真係天都唔知股市聽日咩表現。

都係老土個句，你係諗住今日買、聽日賣，定係諗住揸個 10 年 8 年？我就學緊 buy and hold index fund ，每個月定期買，而且要學習唔好比短暫嘅上落影響你理財目標、方法同心態。Buy low 係難咖，你會不斷諗會唔會聽日又跌？會唔會兩個月後大跌？但如果你話我睇一世咖，咁你呢個時候入左點都會係日後升翻（除非地球滅亡啦），而家買又有咩可怕 wo 😌

祝大家荷包早日fat fat 🤑

- me want faat daat