我嘅 2023 年理財 round-up

多謝大家支持 me want faat daat！如果想睇多幾篇，或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入嚟啦！

2023 年美市訓係到都賺錢！標普全年升 24%，納指升接近 45%。如果你 22 年無懼低位（here!）、23年 keep 住入市，仲唔係輕鬆穩賺？

諗唔到寫咩嘅時候，我就會睇下連登財經台搵靈感。畢業 50k、資產三億都唔夠用就擺明笑話嚟，但有時見到啲網友質疑一般打工仔可唔可以靠投資賺錢、儲得多錢又話人地唔知咩途徑儲翻嚟，我就想應句「咁係你做唔到姐，我做到 wo」。

全年收入 & 支出

我 2023 年同 2022 年嘅 balance 差唔多，加咗人工✌️都使多咗。支出多咗係因為旅行（而且應該越嚟越多），話曬三年無去過旅行， me is living my life~

儲蓄率

睇開都知我好慳，舊年支出佔收入 37% — 淨嘅 95%+ 都攞曬去投資。重申每個人狀況唔同，我做到係因為我好彩 + 無債務 + 好少出街食飯 + 除咗旅行無咩大筆消費。

預算

我就唔做預算嘅，原因係 track 咗自己開支三年發現無咩大出入，而且我夠自律，有淨錢就自動過去證券戶口。

最大筆消費嘅旅行，我都無咩 budget。好大機會只會體驗一次嘅，唔怕洗豪啲。住宿就先睇下個目的地有無景睇，有又負擔到就住靚啲，無嘅就揀交通方便又平嘅地方。

投資 & 資產

全年買入 17 次，當中 13 筆都係買 ETF，股票資產係 22 年 double 有多（買index fund 咪即係個市升幾多我賺幾多 + 堅持入市！）。都係個句，每個月出糧 > 找卡數 > 淨錢過證券戶口，有閒錢就入市。下半年我再進取啲，cut 埋活期 / 定期。

交稅

今年第一次交稅！以為自己夠醒啦，點知都係漏咗強姦金個人強制性供款係可以扣稅。大家記得有呢萬八免稅額啊，要自己申報而唔係自動扣的！

MPF

我係 100% 環球股票，可惜公司揀個間太垃圾：管理費高、無咩選擇同嚴重跑輸大市（專業人士跑輸我個人投資係咩道理！！！）。所以我最近睇完一大輪半自由行做法，而家轉緊僱員呢一半去更加 low cost 嘅基金（計劃 all in 恆生/匯豐智優逸北美股票追蹤指數基金），已經算係比較似 ETF，但都係高 VTI / VOO / VT（0.7% vs 0.03-0.07%）一大截 🙃。

2023 總結

之前寫《😋我都賺夠喇 係時候俾其他人賺下》，都係想證明一般人投資係可以賺錢。賺幾多可能睇彩數，但當我做足曬我可以控制嘅部分，上一個理財目標真係比計劃提早達到，我就明白耐心同堅持才是硬道理😤。

已入市嘅祝你 2024 年繼續 fat fat，未入市嘅希望你早日開始投資！

祝大家荷包早日fat fat 🤑

- me want faat daat