2022 全球財富報告出爐了

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲  click 下面個制  subscribe 喇 👇

想睇我之前寫過咩？快啲 click入黎啦！

之前篇《要幾多錢先叫有錢？》講到 2020 年香港人資產中位數係 $173,770 美金，呢個月 Credit Suisse 就公佈咗最新嘅 2022 年全球財富報告，同大家 update 下有錢佬（尤其香港人）荷包漲咗幾多。

2021 年全球財富

報告指 2021 年全球財富實際增加 8.2%（計埋通脹），達到 463.6 萬億美元（完全無概念），最容易理解嘅數字就係成年人人均財富達到 87,489 美元（~ 68 萬港幣）。如果你身家多過 $100,000 美金，你就有錢過全世界 87% 嘅人，想成為全世界最有錢個 1% 就要擁有 $100 萬美金以上。

至於全球人均財富，排頭三分別係瑞士（$696,600 美元）、美國（$579,050 美元）同埋香港（552,930 美元），拋離之後嘅新西蘭、丹麥、加拿大、荷蘭、瑞典同比利時 10 萬有多。

就算係人均財富中位數，香港都排第四（$202,380 美元，大概 HKD $1,588,000），僅次於澳洲、比利時同新西蘭，而且香港嘅百萬富翁（美金）佔全球 1%，比例同瑞典、台灣同印度一樣，真係得個百萬港紙都唔算富翁啊。

就算大家而家未去到香港中位數（+1），報告推算變得 fat fat 嘅香港人將會 double：到 2026 年，香港估計會有 125 萬位美元百萬富翁，比 2021 年增加 98%（63 萬人）！報告亦推算全球人均財富會係 2024 年達到 $10 萬美元。

「咁多人發達，幾時到我發達？」

睇得 me want faat daat 嘅大家可能都未去到上面班香港有錢人嘅水平，但我地真係比世界九成人有錢。更重要係我地都已經「咁有錢」，比我地更富裕、贏在起跑線嘅人多到數唔曬，所以 "good enough" 嘅錢已經好夠用，人生仲有大把其他面向等你發掘。

要累積 good enough 嘅財富都無想像咁難，呢個年代嘅投資門檻比任何一個年代都低（香港買樓除外），例如一次股票交易只需要 1 美金、開戶口無存款要求、N 種低成本指數基金比你揀..... 你唔需要讀金融或者做芬佬先識得投資，更加唔需要有佢地嘅能力先賺到錢，甚至你可以賺得多過佢地，夠自律、有計劃、務實、目光放得夠遠就夠，在座每一位都可以成為真。百萬富翁！

祝大家荷包早日fat fat 🤑

- me want faat daat