要幾多錢先叫有錢？

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲  click 下面個制  subscribe 喇 👇

想睇我之前寫過咩？快啲 click入黎啦！

細個我以為有錢人先可以去日本旅行，當我知道有同學屋企一年去七次真係羨慕到不得了。到大學翻 part time 搵銀去旅行，我先知原來去外國都唔係咁貴姐；以前覺得 10 萬係天文數字，到我大學未畢業就儲到呢筆錢，原來香港地搵 10 萬都唔係咁難姐。

咁究竟要幾有錢先叫有錢？

如果睇收入：

根據政府統計處，香港收入中位數係 $18,700，如果你搵得多過呢個數，恭喜你 🥳，你搵得多過一半打工仔。但香港地，我諗唔會有人話月入兩萬就叫有錢人掛？

如果你搵多過 3 萬，你已經係全港最 top 25%，top 10 % 就搵多過 4 萬 6。大學生啱啱畢業真係搵唔到 50k 㗎 🥺，唔知我要做幾多年社畜先上到呢條線呢。

如果我地睇資產：

根據 Credit Suisse 全球財富報告，2020 年香港人嘅資產中位數係 $173,770 美金，差唔多一百三十幾萬港紙，真係出街求其都撞到 n 個百萬富翁 😮。呢個數字已經係排全球第三，排第 20 嘅新加坡少香港一半，資產中位數係 $86,720 美金（～ 70 萬港紙）。我估呢個差距係因為香港人供得樓都已經係「百萬富翁」，咁呢班供緊樓嘅人當有錢定無錢？呢個真係好睇你個人選擇同生活質素點喇，我都比唔到答案。

想睇個開心啲嘅數字？全球 87.8% 嘅人資產係 10 萬美金以下，即係 80 萬港幣都無，香港分分鐘 7、8 成人達標：

香港人咁有錢，咁究竟我地要幾有錢先叫有錢？睇到呢度真係多謝你，因為我都無答案：無啊，睇你咩目標咋，香港人除咗憂住就無咩欠，咁假設你已經解決住嘅問題，你仲想要錢嚟做咩？

另外，同人比一世都比唔完 🙂：你想同朋友比、同鄰居比、同親戚比、同香港人比、定係全世界比？有啲人出世就係羅馬係佢好彩，我無佢地咁有錢又唔係我嘅錯，係差啲運氣姐，我搵夠錢換到多啲選擇同自由就夠啦，畢業人均 50k、身家無一億都唔好出聲呢啲，都係現實唔存在嘅故事，更何況我嘅目標都係早日擺脫 9 至 5 嘅工、得閒去旅行同退休唔使執紙皮，咁嘅生活幾百萬流動資產都好夠用，搵得多過呢個數就係緣分😌，我就唔強求喇。

祝大家荷包早日fat fat 🤑

- me want faat daat