🤔 後生唔應該儲太多錢？

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

上年仲堅持一個禮拜寫一篇，點知新一年變一個月一篇 🫠 ，感謝每一位仲願意打開嚟睇嘅朋友們 🙌！

最近同個朋友食飯，講起理財，朋友話我咁儲得錢係「美德」嚟，但唔會好似我咁慳，而係趁後生該享受嘅享受，過咗三十歲先認真諗理財目標。

我聽完嘅反應係🤨🤨。

儲錢講成美德有啲誇張，我係咁啱有條件日常生活咁慳：屋企日日煮飯好少出街食、無欠債、對名牌無咩興趣，但我去旅行想體驗就體驗，想玩咩就玩，想食就食。另一個好實際嘅原因就係後生建立財富靠儲錢 >>> 投資。

搬多次《儲錢！儲錢！儲錢！》

me want faat daat 第一篇就講「就算你投資叻到年年穩賺7%，都要去到四十幾歲先見到投資回報多過儲嘅錢。更重要係，你無得控制市場上落，但你可以控制儲錢比例」，就算唔使我講，大把教人理財嘅文章都會話越早投資越有著數，越早開始比佢滾就有更多時間滾大佢，但前期累積財富最有效嘅方法都係儲錢（除非你係連登仔，一畢業就 50k 然後買 options 滾大咗 200 倍）：

上圖係 Nick Maggiulli 嘅模擬個案，假設你要將一筆錢翻倍，儲蓄率（wealth savings rate %）同所需時間（doubling time）嘅關係就係儲得越高越快（廢話），如果你將 30% 儲起，財富 double 嘅時間只需要 2.8 年。

但 Maggiulli 嘅重點係（引用 Morgan Housel 寫巴菲特嘅故事），如果巴菲特三十歲身價得兩萬幾蚊美金（呢個係當時人均財富，實際佢當年身家係 100萬），而且之後投資回報一樣，到今日佢嘅身價就只有 19 億，比現實過千億嘅資產少九成八！咁佢三十歲嘅錢邊度嚟？咪就係二十幾歲無亂買豪宅、遊艇或者名牌，一直儲錢同投資。

有錢定無錢 都係要儲錢

最後 Maggiulli 有個幾實用嘅原則，除非你投資本金 x 回報率 > 一年儲嘅錢，如果唔係就專心儲錢啦。假設你一年儲到五萬，你投資要 $1,000,000 本金 x 5% 回報先賺到五萬，仲要呢5% 唔到你控制，但儲蓄金額就好睇你個人習慣。就算係有錢人，要繼續滾大財富咪就係不停 reinvest 投資賺嘅錢，即都係要儲錢。

希望大家一年儲多過一年，早日投資賺多過儲嘅錢！

祝大家荷包早日fat fat 🤑

- me want faat daat