Too good to be true

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

半年前我寫過篇《Crypto? 食得㗎》，嗰陣我話：

最近 crypto 點發展？🫠 FTX 爆煲，BlockFi 傳申請破產（未有公告，但上個禮拜暫停所有交易同出/入金），Bitcoin + ETH 市值由過兆折半、得翻四千幾億美金、之前 Terra Luna 爆煲清零...... 疫情期間嘅美好風光就咁 dump 一聲唔見咗。

FTX 點解爆？

Long story short，就係 FTX創辦人 Sam Bankman-Fried (SBF) 仲有第二間交易公司叫Alameda Research，呢間 Alameda 因為之前幾單爆煲同 crypto 價值大跌而欠債累累，SBF 私下將 FTX 客仔嘅錢（100 億美金！）去救 Alameda，結果大家都知，就係一齊攬炒。

故事教訓

好彩係我一蚊都無蝕過，因為我啲少少 crypto 全部 free money 嚟，靠我同朋友網上寫下嘢咁賺翻嚟。但我肯定有動搖過：嘩，擺 BlockFi 年利率接近 10 % vs. 銀行定期得1、2%（係近排加息先上翻 3-4%）？擺 crypto 平台仲可以每日派息？今次仲唔到我發？

感恩係我成功禁住自己衝動的頭腦，因為日日都賺到錢 is too good to be true！人地輸身家嘅新聞睇得多，但到你想像搭順風車提早發達，自以為自己特別過人：人地輸錢係佢地蠢，我就唔同呢！事實係錢有咁易揾就人人都係巴菲特啦。大家試下比較兩年前同今日嘅富豪榜，Facebook、FTX、軟銀等創辦人，全部都係搭正疫情身家大漲，跟住今年就嘔翻八成，甚至真。清零。

如果你問我而家點睇 crypto，我都係咁講：其實就係 buy 一個新故事同想像。投資道理不外乎呢幾條：唔好 all-in、雞蛋分開幾個籃、買唔識嘅野淨係用 money for fun，夠耐性做龜兔賽跑嘅龜就遲早輪到你發達！

祝大家荷包早日fat fat 🤑

- me want faat daat