Crypto? 食得㗎

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

之前係 Twitter 見過一個笑話，話如果你數學唔叻，電腦科技又唔多識（講緊我🙋 🙋‍♂️），咁 crypto 就係將兩樣你都唔識嘅嘢加埋一齊。知道密碼貨幣原理嘅人可能唔多，係香港地都好少見到有人會用 crypto （題外話：好似舊年開始見到實惠可以用 ETH 比錢真係嘩咗聲，估唔到實惠行得咁前）。平時最多聽到人話呢啲嘢呃人㗎、虛無縹緲啊、淨係攞嚟比人炒啊等等，睇嚟 crypto 要係香港普及仲有一段距離。

老實講，我就係其中一個唔明 crypto 技術嘅人，甚至我呢世都未必學得明，但本人係持有些少 crypto 係 osmosis 呢個平台：

基本上我係由得呢筆錢 free ride嘅，因為錢少又無咩成本可言。呢個賬戶開咗半年多啲，總值升咗接近五成，除咗stablecoin （例如UST），呢排興起嘅 LUNA、ATOM 都揸過啲。

等等，你又話唔識 crypto 咩嚟，你唔驚比人呃啊？

我係咁諗嘅，我唔識呢啲新科技唔係因為佢地呃人，而係我追唔上科技發展嘅速度。如果十年前同你講比特幣，你梗係唔知咩嚟；但當 Coinbase 上埋市受監管、Blockfi、FTX、crypto.com 呢啲公司越做越大、Bitcoin 同 ETH 市值過兆嘅時候：

再扯遠啲講，其實就係 buy 一個新故事，或者一個新嘅想像：如果所謂貨幣唔一定係由政府規定同控制，而係人人都可以完全控制自己嘅資產，又咁啱呢個理念真係做到出嚟，買少少嚟 buy 呢個願景，why not？

平時我地認識嘅無大台多數應用係社運場景，原來日常生活都可以做到無大台，就係睇你願唔願意花啲時間同精力，開個 wallet 或者交易所賬戶先， 一路用一路學，因為唔會有人一日就會學得識（有我墊底😤）。

如果想試下又gang gang，咪淨係換一、二千蚊。如果怕一般交易平台比人 hack，咁就可以趁機學埋 cold wallet / ledger 呢類產品點用，進一步擺脫大台交易所。話唔定試過用呢啲交易所同 wallet 之後，你會發現多幾個地方分散投資之餘又真係賺到錢呢。

祝大家荷包早日fat fat 🤑

- me want faat daat