一畢業就諗退休

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

早兩日見到 YouTube 推薦一集講退休金嘅鏗鏘集（原來仲未摺），條片訪問幾位即將同已退休人士，共同擔憂係唔夠錢過日子，然後再揾幾位專業人士講下退休計劃、年金同逆按揭，仲有位受訪者叫人慳啲使同翻大灣區買樓（我都期待偉大嘅祖國早日達成共同富裕）。睇完呢條片就更加確定我嘅諗法：對香港社會保障網唔好有任何期望，甚至一出嚟做社蓄就要開始計劃退休。

香港現有退休保障

最貧窮嘅長者可以申請綜援或者（高額）長者生活津貼，但條門檻高到一個點，而且只可以領取其中一項：

各援助計劃（以健全長者為例）

除非你從來都唔儲錢或者欠債累累，如果唔係打陣工儲下錢都好容易超曬呢堆資產限額，即係你未 fing 曬儲蓄之前都唔好揾政府幫手。先擔憂儲蓄唔夠，到真係唔夠儲蓄又要擔心資助唔夠 🥶。我真係唔想 70 歲都為錢而翻工啊 😭

又要講強姦金強積金

之前都批過強積金保芬佬多過我地，講咗 N 年管理費高都係無改善。睇翻美國證監會文件，如果本金 10 萬，管理費收 1%，每年包賺 4 %，20 年後 $10 萬變 $18 萬，但係管理費食咗你差唔多 $28,000！如果自己攞呢兩萬八去投資，仲可能額外賺 $12,000。假如管理費收 0.5%，20 年後 $10 萬可以變接近 $20 萬，再加上你呢世本金都肯定唔止 $10 萬，你話強積金究竟食我地幾多錢 🤑。點解美國可以做到 0.幾 % 但係香港做唔到，憑咩外國勢力管理費平啲？仲叫人自願供款，同自願送錢比強積金公司有咩分別？

唔係誇張 但開始做嘢就要諗退休

通脹、熊市、經濟衰退、突然無工開、零收入...... 呢世人點都會遇著呢幾個情況，淨係靠儲錢跌一跌唔知要幾耐先儲得翻。抽時間了解自己強積金有無邊個計劃食少啲管理費，後生（40 歲前）就唔好咁保守淨係諗買保險、債券、人壽儲蓄保呢啲，有能力有時間有精力就學下基本投資，提早躺平都唔怕唔夠錢搣過世！

祝大家荷包早日fat fat 🤑

- me want faat daat