強積金？強姦金？

👋 咁多位 Long time no see! 早排抖咗陣，me is back now!

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

如果有留意最近關於強積金新聞，就會見到話首季人均蝕1.4萬。我雖然都係做咗社畜無幾耐，強積金入面嘅錢唔多，呢排蝕埋分分鐘連我一個月糧都未儲到。但有興趣寫得廢理財文章嘅我當然一樣咁關心強積金表現啦。

我先係到同大家分享，我自己強積金組合係揀咗 70% 環球股票基金 + 30% 核心累積基金，而個核心累積基金又分別係 60% 環球股票 + 40% 環球債券，兩個基金嘅所謂環球股票又以美股為主。最近股市大上大落，蝕就肯定蝕，但都係個句老土說話，預咗長線睇就唔好成日check究竟升/跌幾多，趁後生就不妨大膽啲揀多啲股票（當然又要睇你個人可以承受幾多風險啦）。

好早開始強積金就被人叫強姦金，有人話係多得啲芬佬先會蝕。嗱，呢個我反而唔係咁贊同嘅，因為都有好幾個基金比你揀，你唔理或者唔花啲時間睇資料、又由得佢幫你揀預設基金組合就無嘢好講喇，例如我試過無認真睇啲年度表現文件，見到某個基金有環球股票成分就揀咗，點知個基金買最重嘅係ATMX（阿里巴巴、騰訊、美團同小米），唔知環球去咗邊。🤷 🤷‍♂️

強姦金食你錢嘅位其實係管理費同行政費。強積金有股票基金收到1.幾%，人地美國好多ETF （指數股票型基金）都係收 0.0幾%，例如：

Vanguard ETF:

• Total U.S. Stock Market (VTI - 0.03%)

• Total International Stock Market (VXUS – 0.16%)

• Total U.S. Bond Market (BND – 0.10%)

當然人地規模大好多，可能嗰0.0幾%都賺好多，但既然強積金係要攞黎退休，咁點解香港唔可以推多啲呢類被動啲嘅ETF，唔使啲芬佬有咩操作，又唔使食咁多管理費？長遠計你個強積金係滾複利嘅，每一年都食你1%都真係可以好多，究竟個強積金係保緊我定芬佬？

所以我自己做法就係：

• 睇清楚想揀嘅基金所有文件，就算無可能每一行都睇曬，起碼知道個基金買咩股票/債、管理費行政費、過去平均費用係幾多，如果揀股票比重多嘅亦唔好成日check住，睇一個月上落無咩意思，更加唔好係咁轉plan/改投資比例

• 比起靠強積金，想儲多啲錢嘅，不妨開個平收費嘅證券戶口定期買ETF。好似我之前係《小賭怡情 大賭變李嘉誠》講，除非你有自信跑贏大市，如果唔係就考慮買大市，簡單唔使煩

祝大家荷包早日fat fat 🤑

  - me want faat daat