多謝大家支持 me want faat daat！如果想睇多幾篇，或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入嚟啦！

新一年醒起久違嘅me want faat daat 擺到鋪塵，哇，對上一篇已經係年半前寫，罪過罪過。等我2026都比個目標自己：每個月起碼寫翻篇！

過去年幾無嘢想寫嘅最大原因係我投資理念同方法非常簡單，而且呢幾年都無變過：all-in 指數基金，少部分錢先嚟買個股，然後就沒有然後了。早兩、三年寫嘅到今日依然valid，我都唔知仲有咩好share。

今年我嘅股齡正式邁入第五年，對此我要多謝自己過去五年堅持只買幾乎不賣（賣咗最早入市亂買嘅個股，已沉沒嘅成本就係沉沒咗！比多啲時間無意義的），達到一定嘅milestones😀。

睇得 me want faat daat 嘅唔係朋友就係朋友嘅朋友，既然我都做到，我希望身邊嘅大家都可以一樣 fat fat，提早達成心中嘅財富自由。所以新年提醒大家，大部分MPF計劃一月尾就會上曬eMPF，大家記得開戶口，整合戶口，調整組合！

我地嘅辛苦錢點解要蝕咗佢！

如果平日想了解 MPF 資訊，我推薦《信報》炎木嘅專欄。如果你唔好彩無得揀頭五隻（e.g. 我間垃圾公司就係揀Fidelity），未有積金易嘅時候，我係要每年一月填一疊文件，寄去恆生搞半自由行（即係僱員個一半錢可以搬去自己想擺嘅計劃）。有咗eMPF，終於可以網上平台就搞曬佢（希望全自由行早日來臨！）。

大家睇下宏利表現+規模 vs 其他北美基金就知道香港人一係好L有錢，一係就懶，白白送錢比間保險公司（三年前都寫咗篇係到X啲強積金管理費當人水魚）。如果你仲未開積金易，又或者錢一直擺宏利無搞過半自由行，睇到呢度就好去行動了！

大家 2026 繼續 fat fat🤞

祝大家荷包早日fat fat 🤑

- me want faat daat