億萬富翁芒格都叫你 be humble

多謝大家支持 me want faat daat！如果想睇多幾篇，或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入嚟啦！

傳奇股壇億萬富翁、Berkshire Hathaway 副董事長、股神巴菲特老友兼拍檔嘅 Charlie Munger 上星期以 99 歲高齡過身（差個零月就 100 歲！）。之前係網上睇巴郡股東大會真係睇一次嚇一次，Munger 九十幾歲仲咁勤力同咁醒，把聲仲清過巴菲特（已經 93 歲！），Munger 仲要幾星期前先上一個叫 Acquired 嘅podcast。

Lucky money🍀

我對 Munger 嘅認識不外乎都係 newsletters、新聞同最多 wiki 資料，但我都幾肯定我 buy 嘅投資理念好多源自呢兩位股神，尤其係運氣非常重要。巴菲特講過如果佢唔係生於美國、特定時代同背景，佢唔會有今日嘅成就。

最近 Jason Zweig 係 Wall Street Journal 到寫，上個月訪問芒格嘅時候佢講咗呢個故事：Munger 七歲左右同一個女仔玩緊嘅時候有隻狗衝埋去，最後個女仔被咬而感染狂犬病死亡。所以我成日提自己，黑仔嘅時候諗 why not me，好彩嘅時候諗 why me。世界上太多事情唔到我控制就唔好浪費時間糾結，諗下點比反應仲好。

Be humble 🤲🏻

Munger 話成功不外乎呢三樣：咁上下嘅智慧、努力同好多好多嘅運氣。正如我講到悶嘅華爾街芬佬都跑輸大市，仲有俗語話「股市專收叻仔」。明嘅，打工仔想好似六合彩咁買個希望啊嘛，但得閒發下夢好喇，因為呢個需要嘅唔係一般嘅運氣。腳踏實地咁有個理財同投資計劃，發唔發到大達睇彩數，但做千萬富翁呢？可能性唔細 ga。

之前咪經常有報導話巴菲特同芒格係「科技盲」，而且對科技股經常抱懷疑態度。其中一個大轉變就係巴郡入股蘋果，原因係佢地認知到「果粉」嘅忠誠度，仲後悔唔買多啲，最終係 2016 年開始入股。當年芒格 92歲，巴菲特 86 歲，兩位股神唔使 do 都名垂青史，去到呢個歲數仲肯改變（你試下用數據講掂你阿婆阿公阿爺阿嘛買少少美股先），你就知人地除咗運氣，仲願意承認偏見，對唔熟悉嘅範疇抱住開放嘅心態。

It is never easy

一般財演咪會點你富翁思維係 ABC、點解你仲係窮人 blah blah blah。芒格同巴菲特就唔同你 bullshit，直接認 it is never easy，遲三十年出世已經無辦法複製今日嘅成就，因為過程牽涉太多控制唔到嘅時地人事。

唯一可以「複製」嘅就係學佢地咁勤力同有熱誠，做到九十九歲都咁 enjoy 學習同投資，但我又無呢個野心要好似佢地咁 fat fat，所以股神都無辦法提供 one-size-fits-all 嘅投資策略，最後睇嘅都係你個人目標、儲蓄率、可承受風險等，盡自己本分又對得住自己就夠了。

PS 想認識 Charlie Munger 投資理念同 bio 嘅可以睇以下呢篇：

祝大家荷包早日fat fat 🤑

- me want faat daat