多謝大家支持 me want faat daat！如果想睇多幾篇，或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入嚟啦！

新年新願望先話一個月寫一篇，轉頭二月就失敗咗 🥲。2026 年最堅持到依然係 just keep buying，上星期一出糧就買 🤣，點知週末就嚟個大新聞。

驚買完就大跌？咁就要睇翻我四年前呢篇 “打仗嘅話 股市咪跌硬?”喇。都係個句：唔怕高位買，只怕低位放！

點解最近AI / 科技股咁跌法，美市都未大跌？

大家初入美市時（特別係疫情開始關注同入市），點都會見過 Mag 7 呢個 term —— Alphabet、Amazon、Apple、Meta 、Microsoft、Nvidia 同 Tesla。2025年呢七隻科技巨股有幾隻跑贏標普500？答案係三：Alphabet、Nvidia 同 Tesla。

咁股市仲有咩升緊？一齊睇下最近個勢啦：

Mag 7 市值係勁，但股市唔係得佢地嘛，正正就係標普其他 493 隻一樣打得，特別係傳統產業（note：最近睇新聞成日見到 “HALO” trade 係 Josh Brown coin 的，有興趣可以睇呢篇文章，HALO = Heavy Assets, Low Obsolescence = 重資產、低淘汰風險，例如M記邊有可能比 AI 取代），而家輪到佢地嗰勢上嚟（又題外話，講起勢我會即刻諗起曹仁超煲冬瓜講 “勢”🤣，但佢講嘅嘢 still works！）。所以話風水輪流轉，過去幾年科技股賺到 fat fat，大家覺得賺夠，咪轉買其他嘢。

除咗產業輪轉，近期其他地區股市表現都跑贏美市：

最後再翻炒呢句老土說話：我等凡人唔好懶叻揀個股！要係過千隻股揀啱表現、估啱勢、仲要估啱係邊個地區市場嘅勢，我只會大大聲答 I don't know！我認自己有 bias，因為過去五年美市夠 fat fat 嘛。就係見到近期個勢唔同咗，我都開始買多啲美國以外市場嘅 ETF 分散投資，咁就無論邊個勢頭好，我都有份賺錢🤤。

祝大家荷包早日fat fat 🤑

- me want faat daat