百年一遇事件

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲  click 下面個制  subscribe 喇 👇

想睇我之前寫過咩？快啲 click入黎啦！

當大家以為呢個禮拜最大單嘅新聞係英國大臣同議員連環辭職迫 BoJo 落台，點知今朝就有安倍晉三被槍擊 😐 。日本政治暗殺唔係無發生過，但槍殺極罕有，對上一次有總理被槍殺已經係 1936 年嘅事。就算係東亞地區，我最印象深刻都係 2004 年阿扁槍擊案。

有睇開國際新聞標題黨嘅朋友可能會諗，點解呢個世界日日都咁多衰嘢發生，仲要得閒就有啲痴線 / 百年難得一遇 / 千年難得一遇 / 萬年難得一遇嘅新聞 🤦‍♀️ 🤦。我無任何天文知識，最唔明點解成日都有一世紀一次嘅天文現象發生。唔通我地呢代人特別幸運、睇到好嘢嘅機率特別高 🤷‍♀️ 🤷？

當樣本夠大，痴線嘢更多更容易發生

Morgan Housel（知名投資、經濟心理學專欄作家）上個月寫咗篇 "Once In A Lifetime"，講話一啲看似超自然嘅事其實無想像咁「神奇」：呢個世界有 80 億人，如果一個奇蹟有百萬分之一嘅機率，咁每日都有 8,000 人經歷奇蹟。如果一個人每日有 8 個鐘頭（接近三萬秒）係清醒嘅，發生係我地身上嘅事最少幾十件、幾百件、甚至三萬件唔同嘅事，即一個月有差唔多 100 萬件事發生，咁計其實大家都離痴線佬 / 奇蹟 / 超自然現象唔遠。

有時候媒體話百年難得一遇嘅天災未必真係一個世紀先發生一次，而係 1/100 嘅機率。如果上一個世紀唔常見嘅災難係呢一個世紀經常發生，咁都唔出奇啊，average 唔等於 average ma 。好似世界大戰夠罕有喇掛，但就偏偏係上世紀頭半部分發生兩次，everything is possible。

標普：70 年代以嚟最差嘅頭半年表現

頭半年股市跌多過兩成嘅日子要數翻差唔多 50 年前，納斯達克更加係跌多過三成。會唔會繼續跌？當然有可能啦，但睇翻歷史數據，係高位跌 20-30%，跟住一年嘅回報平均達到 9.4%、五年 39% 、十年 131%！係跌市要點做？堅持就是勝利！

祝大家荷包早日fat fat 🤑

- me want faat daat