Average 唔等於 average

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

飛機凳故事

唔記得係邊到見過呢個故事：話說一班飛機工程師打算改良飛機駕駛座位，量度咗幾千位機師身體尺寸，計咗最平均嘅 size 再造過啲機師凳。當佢地以為度過計過肯定 fit 啦，點知無一個飛機師坐完係覺得舒服，咁究竟張凳仲有咩問題？

聰明嘅你應該諗到，就係無人嘅身體尺寸 = 平均值：假設全世界機師嘅平均身高係 170 cm，但 180 cm 、 165 cm嘅機師都有，啱啱好 170 cm 嘅機師可能得幾百個，無論點度都無可能設計到一張 fit 曬所有飛機師嘅凳。

歷史數據唔係水晶球

有睇之前 me want faat daat 嘅文章就會知道，我係偏向認同將大部分錢擺落跟大市指數嘅ETF，原因係我地無咩可能持續咁跑贏大市，跟住個市反而包賺，皆因過去近 100 年，股票平均每年回報率有 10%，而大部分芬佬、基金表現差大市 n 個馬鼻。

但所謂平均升幅 10% 係過去咁多年計落嘅一個平均值，如果話過去十年大市升幅有 10 %，有時可能係跌8%，跟住升17%，再跌20%：

日常生活都有好多例子：最近香港通脹率咪 2% 左右，但阿媽話根本感受唔到呢 "2%"，因為新鮮菜可能貴一成，但係豬肉又同早排比跌好多成，所以呢 2% 只可以作參考，每個人嘅消費習慣同生活模式都唔同，自然對通脹率嘅感受都唔同。

飛機凳同通脹嘅故事都係想同大家講，財富要好似歷史平均值咁持續增長，就係要放長線先會見到。另外唔好直接當呢 10% 做每年投資獲利目標，因為舊年升 27%，今年可能升 5%，出年亦可以跌 18%。希望大家都會記得呢句堅過黎明嘅金句：Average 唔等於 average。

祝大家荷包早日fat fat 🤑

- me want faat daat