🔮 2023 股市展望

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

2023 年就快過咗兩個禮拜，標普、道瓊斯同納指都齊齊升緊，但講 2023 之前先睇下 2022 年點樣收尾。

2022 was bad ☹️

大家見到 2022 年夾係中間，全年標普跌 18%，如果你資產縮水少過 18% 已經跑贏大市 😬，真。輸少當贏。當然，用半杯水嚟睇，如果你舊年 keep 住有入市，將來嘅（高）回報等緊你。

我地再睇下過去十年各類資產表現：

睇完有咩感受？就係沒有什麼是永恆的～ 舊年嘅大贏家係 Commodity 大宗商品（原材料、農作物呢啲），但 2021 年之前佢幾乎都係底，灰色嘅 Cash 都係。股市上上落落，上上落落，點解我地呢班非專業投資者唔好同個大市鬥就係咁解 — 唔係唔得，但難度極高。

🤩 大師，咁 2023 年點部署好？

嗱，要戴定好多頭盔，我都只不過係摸下摸下嘅小薯一個，但美市過去十年嘅靚升勢都唔是永恆的。大家再望翻上面幅百家被，黃色 EM 代表 Emerging Market（新興市場），已經好一段時間追唔上美市。嚟緊下一個十年會唔會風水輪流轉、輪到佢地發？Who knows, but why not? 尤其早排美元強勁、yen 同 won 貶值、中國同香港股市大插水，見咗底咪有潛力升翻，大家有興趣嘅可以留意下同 EM 有關係嘅 index fund（指數基金）。

但，仲後生嘅你唔應該將所有精力放曬係投資到，因為 me want faat daat 第一篇《儲錢！儲錢！儲錢！》已經講咗，大部分人就算年年賺錢都要去到中年先見到投資賺嘅多過儲嘅錢。儲錢、投資、學習、計劃同行動，缺一不可！2023 年做齊曬，一定到大家發！😎

祝大家荷包早日fat fat 🤑

- me want faat daat