👋 2022 收爐篇

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲  click 下面個制  subscribe 喇 👇

想睇我之前寫過咩？快啲 click入黎啦！

一年又過，無論今年有無賺大錢（今年呢個市輸少當贏啦），祝大家 2023 荷包繼續漲 💰📈 ，向 fat fat 嘅目標再近一步 💸！

2022 年終回顧

年尾個市都差唔多，大眾期待嘅 Santa Claus Rally🎅🏼 都唔知會唔會到（美市傳說係聖誕前後大部分時間都會升），近幾個月上上落落無咩大分別。截至聖誕正日，標普同高位差 1,000 點 ☹️。Any 肥，我都諗唔到仲有咩新鮮嘢寫，2022 最後一篇就寫翻啲老土嘢，同大家講下心得。

1）香港理財教育同性教育一樣咁垃圾 🤥

我唔知連登財經台幾成真，但有時同身邊嘅朋友、同事甚至高職級嘅大佬sss傾，淨係強姦金組合已經唔多人睇內容，或者淨係睇單張第一頁、過去五年 / 十年表現好就揀。理財係學校根本聽都無聽過，最後咪好似性教育咁，唔係睇咸片學就係以為拖手會有 BB。

講到股票，一部分人會話股市呃人 / 唔啱自己 / 唔識 / 好複雜 / 好高風險，一係就 all in Tesla / 見呢兩年科技股大升就 all in / 輸錢無 set 底線 / 輸完唔敢入翻市。🙂 就算 me want faat daat 仲係幾丁友圍爐，希望大家就算曾經有上面嘅諗法，睇完啲 newsletter 有多啲理財嘅基本概念，影響到大家開始有轉變。無人教咪自己嚟😌，總之就係唔好將知識外判，自己錢自己學同管！

2）我有做到 just keep buying！

有三個月內用唔著嘅錢就攞去投資，指數基金、個股同定期都有，無論升、跌都買，每個月 keep 住入市，而且買就快手，賣就三思（so far 今年無賣過），然後堅持八年、十年！

3）我都蝕過錢先醒

曾經我都以為自己識得特別多，大家都估到死硬啦 🙂。到今年開始買指數基金，就算蝕都係少到幾乎打個和，我就知道好人唔同大市鬥喇。希望個天見我咁我咁快改過自新，比我早日發達啦🤤。

4）希望堅持多陣 me want faat daat ...

話咁快呢篇已經係第 42 篇，寫下寫下就一年。無論做唔做得起呢個 newsletter，對你有少少影響嘅話，例如本來唔敢投資變準備 / 已經入市，我都算成功了😎。

 祝大家繼續 good trade and good luck! 🥳

2023 年 me want faat daat 再同大家見面！

- me want faat daat