趁後生儲多啲有咩著數

多謝大家支持 me want faat daat！如果想睇多幾篇，或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入嚟啦！

香港股市曾經有個都市傳說係「五窮六絕七翻身」，美股都有 “sell in May and go away”。不過，今個 May 就一啲都唔 sad 喇：

如果同我一樣大部分身家都係市入面，年初至今應該都笑到李顯龍咁，哈哈哈哈哈哈！

越早投資將來越輕鬆

我搵到第一份 full time 就即刻開證券戶口，三年幾一直堅持每個月有錢就入，跌又入，新高都入，總之就係唔好比一時波動打亂我計劃。

又要些牙我睇開嘅 newsletter，Nick Maggiulli 寫過一篇 “Go Big, Then Stop”，分析點解趁早儲錢有效，原因就係

1. 越早投資舊錢滾得大啲

2. 時間是我們（後生仔）的朋友

假設你每年儲 1 萬同個市平均每年升 7%，40 年後你會有大概 200 萬。特別之處係，第一個 1 萬變 14 萬，即係你本金儲嘅 2.5% 會變成將來全副身家嘅 7%，頭 10 年嘅投資貢獻超過一半身家。

越遲開始越辛苦

Maggiulli 計埋如果延遲儲錢計劃，將來要儲多幾多先追得翻。假設本來係每年儲 5,000 蚊、40 年後就達到你退休目標，

• 遲 10 年先開始儲（即係儲30年），咁就要每年儲 1 萬（原本金額+100%）

• 遲 20 年先開始儲，就要每年儲 2 萬 5（原本金額 +400%）。

但理論還理論 現實還現實

首先，要好彩你開始投資嘅頭 20 年個市都係平均向上。另外可能你有學貸、屋企情況等等，仲要啱啱出嚟做嘢人工邊有咁高，同你三、四十歲嘅 earning potential 差一大截。

我第一份翻咗成年嘅工先萬五蚊，好彩（?）撞正疫情無得去旅行慳一大筆，無咩非必要消費慳一筆，無學貸又慳一筆，仲要多得我夠發錢寒、週末無停過補習又額外賺一筆。

但掛住儲錢唔識享受？不了，我咁早咁落力理財都係為咗提早有更多選擇，過得越嚟越嘆（長途機坐 business！）。早啲開始理財，搵到啱你目標同處境嘅儲錢方法，work, save, invest and repeat！

祝大家荷包早日fat fat 🤑

- me want faat daat