美市生意好啊

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

今次唔係諷刺，係真係生意好！琴日美國股市升到盤滿缽滿，標普升 5.54%， 納指升 7.35%，道指升 3.7%，係自 2020 年 4 月最佳表現。當然，我地唔係點咁短視、淨係睇一日表現嘅人，但美市會唔會已經見咗底、好日子在後？

過去美國選舉 X 股市週期

近排睇得最多嘅 newsletter 內容都係講美國係中期選舉之後，無論邊個黨贏，股市都有運行。All Star Charts 嘅創辦人 J.C. Parets 就經常講呢個週期：追溯到 1950 年，標普 500 係中期選舉之後大多數都係升，由選完到年尾有近七成時間向上升。

我地再睇 Nautilus Research 嘅數據：

呢幅圖都係睇翻標普係 4 年總統選舉週期嘅平均表現（藍色線），今年表現（紅色線）同呢個週期非常接近。

最後再睇埋《華爾街日報》記者 Eric Wallerstein 指中期選舉之後，標普 500 嘅一年回報平均升 15.1%，而其他年份就平均升 7.1%。

 嘩，咁仲唔入市！？

上面啲表係咪好 encouraging 呢，但都係個句，歷史唔會重演，亦唔會有人完全知道點解會咁升法，只不過係咁啱呢個 cycle 出現次數唔少先咁令人關注，而且邊個股民唔中意睇正面消息？ 亦可能係呢個 pattern 出現過幾次，股民信咗呢個催化劑，信咗之後一定有運行，咁就願意係呢段時間入多啲市，最後股市成功自我預言。

咁仲信唔信好？當參考就好，有錢應該定期入市，因為你 time 唔到現實幾時跟歷史 pattern 嚟行、幾時撞正呢啲大升日、幾時開始有運行，但有樣嘢好肯定嘅就係，你一日唔入市同 stay invested，一日都享受唔到時間帶比你嘅複利！

祝大家荷包早日fat fat 🤑

- me want faat daat