🚀股價 to the moon and back

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

2022 年就到尾聲，大家仲有無關注呢三年股價曾經升到上月球嘅 Tesla 呢 🥹：

Tesla 係 2020 年 1 月 1 號嘅股價係 $43，執筆呢下就係 $157 左右，而佢最高峰係去到 $380+，高位到而家市值蒸走咗接近六成。

除咗 Elon 爸爸，仲有（唔知仲係咪）連登仔至愛女股神 Cathie Wood 嘅方舟基金：

過去兩、三年唔少人笑巴菲特輸比個市，更加追唔上高科技股價，點知今年形勢一變，真。股神大手入能源、工業等傳統 value stocks，笑到最後依然係股神。（除咗巴菲特，你仲噏唔噏得出第二個股神名？）

正如早排《🐢 Boring money, lucky money》講，賺錢嘅股票可能又悶又要長時間先見效，仲要有啲運氣傍身。好似 Cathie Wood 呢啲咁有能力、咁有經驗嘅人唔係傻嘅，但基金跑輸大市證明啲咩？咪就係幾叻嘅人都好，揀啱股好難。呢類 active fund（主動型基金）背後就係靠一班基金經理人不斷咁揀股，當成條精英團隊做曬研究都睇錯，我等凡人就更加唔好 FF 自己會贏到個市、甚至股神。

悶聲發大財係難的

唔知大家有無見過上面呢位 all in Tesla 嘅朋友，好後生就話靠 Tesla 搵夠退休，舊年至今蝕咗一千一百萬美金都唔放，仲賣樓（放緊盤）趁低吸納。我估係高位回落一、兩成就放一部分股票嚟換其他投資、甚至買多層樓係個相當合理嘅計劃，但當你賺錢賺到上太空，得閒拋篇 Elon 爸爸嘅文章話 Tesla 市值會係 2030 年世界第一，堅信係自己有眼光，你仲聽唔聽得落其他意見？

發達難，保住發咗嘅財富更加難，因為多數會忽略運氣嘅重要性。點樣保住辛苦錢？咪就係唔好同呢啲痴線佬玩，有計劃同夠自律，點會輪唔到你發達？

祝大家荷包早日fat fat 🤑

- me want faat daat