chur 得過 Elon Musk 先好話自己係新界牛🐂

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

上一篇講 Elon Musk 咁成功嘅一大因素係佢仲勤力過新界牛，視 work life balance 如糞土。個人傳記作家 Walter Isaacson 跟住呢位痴線佬至少 100 個鐘，寫成新書 “Elon Musk”，探討呢位神人點解咁 chur 同咁願意冒險。我未睇本書，但就睇咗 Trung Phan 嘅讀後感（標題黨 is me🤓）（我都有 fo 開呢份 newsletter）：

想好似 Elon Musk 咁成功？符合以下條件就得！

1. 😴 訓係公司先有動力

之前篇文講過 Musk 賣曬樓訓公司，新書話咁做先刺激到佢不斷向前，就好似打緊仗嘅將軍，夠 drama 同 motivation 啊。

仲有港人摯愛嘅放假去日本旅行，對 Musk 嚟講放假 = 浪費時間同會死人（對上一次放假係 01 年去南非，點知感染瘧疾差啲無埋條命）。如果你有 Musk 為創新而願意每星期做足 100+ 小時嘅精神，你是香港的馬老闆！

2. 📈 剷除「白痴成本」

當一件產品價格同原材料成本差太遠，Elon Musk 認為係設計太過複雜或者製作效率低先咁貴，所以 SpaceX 就會自己買原材料翻嚟研究，自己做埋零件，唔使捱貴貨。

3. 👌🏼 全盤負責公司大小事 — 設計、生產、用料 ......

蘋果咁成功係因為 Steve Jobs 識設計 + Tim Cook 識管理，但大家都知道 iPhone係 outsource 比富士康呢間血汗工廠整。Tesla就唔同喇，生產線都自己搞埋，公司一條龍。

4. 🦶🏼 見到懶人就想踢佢一腳

書入面提到 Elon Musk 同其他 CEO 嘅關係，例如佢話 Blue Origin 發展之所以慢過 SpaceX 係因為 Jeff Bezos 唔夠勤力，卸低 Amazon 個位就日日開船 P，所以 Musk 就想刺激下佢，叫佢翻去搞 Blue Origin 而唔係繼續浸係浴缸咁 hea。See，馬伊隆同志為咗人類科技發展而不惜做醜人啊。

Elon Musk 值得擺上神台 🫡

日日係 Twitter shitposting 嘅係佢，撈過界亂噏政治係佢，一個人睇曬幾間大公司又係佢，一日解決 N 個問題啊（無其他意圖，唔好諗多！）

我一向認為 7 仔員工係全世界最 multi-functional 嘅職業，唯一贏佢地就係 Elon Musk。等你仲以為 Musk 真係噏兩句就變到架 Tesla / 火箭出嚟咩，人地一日做十幾個鐘，趁痾屎出幾個 memes 你就以為人地不務正業（just my opinion，錢對佢已經無咩意思，咪要係第二度搵刺激）。

職場小薯有感 🥔

上面嘅事跡睇得出馬老闆為咗解決一個問題可以付出幾多時間同精力，唔會嫌煩或者怕人（當然，佢係老闆）。再諗翻平時做嘢有幾多 19 人同官僚嘢阻住人行，如果世界多幾位馬老闆，幾 hardcore 我都殺啊（咪左耳入右耳出，no hard feelings~）。出得嚟做嘢就知道最難搞嘅唔係問題有幾複雜，係迫住要共事嘅人 / 部門有幾煩。🫠

可能大家都同我一樣，出嚟做嘢無幾耐，仲係成舊番薯咁，未摸到究竟咩工作同目標先係自己最大追求。唔緊要，咁咪努力儲錢同投資先，到你唔知邊日叮一聲搵到好想做嘅事，你都可以好似馬老闆咁做自己的老闆！

仲有 Elon Musk 都係靠不停 do 同 all-in 自己身家嚟建立 Tesla 同 SpaceX，首富一樣係付出大量金錢 + 時間 + 汗水，上咗神台仲日日翻工，我等凡人憑咩 FF 自己有本事一步登天。今時今日香港仲有咁多有錢蠢人，唉，只能慨嘆點解個天仲未比我發。希望睇 me want faat daat 嘅大家早日發達之餘，仲要守好財富，任何外部干預都不可能動搖我方全面準確貫徹 just keep buying, be patient and get rich 的堅定決心，任何企圖呃我地錢嘅伎倆都絕不會得逞！ 😤

祝大家荷包早日fat fat 🤑

- me want faat daat