識英文/外語 財路都闊啲

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！ 

雖則我熱愛祖國，奈何香港地大把 office 工仲係用緊英文見工（崇洋可恥😡），而且我嘅經驗係英文自介講得流暢嘅話，份工就十拿九穩。

另一個實用角度睇，網上英文資訊明顯比中文多， 大家見我 share 嘅資料都係英文為主就知道啦，始終英文國際通用 ma。如果係 Google 分別查 “history” 同「歷史」，英文搜尋結果係多一百億項以上，睇英文可以擴闊眼界唔係老土說話嚟。

靠追星嘅熱誠學外語 🤩

無錯，我真係靠追星先有動力學好英文（特別多謝阿媽同比卡超一樣都係以結果為目標嘅人，唔 care 過程）。我要多謝曾經紅到出汁嘅 Twilight 同到而家都咁型仔嘅 Robert Pattinson😍，想當年我買齊 Twilight Saga 四本書，由從來都唔睇英文書到一次過睇曬千幾二千頁，睇電影見到唔識嘅字就逐個查，日日睇 YouTube 聽埋班演員嘅訪問😤。 誇張啲講嗰兩年幾乎奠定我嘅英文基礎，分分鐘仲學得多過學校。

然後流行文化興咩？K - Pop！於是我中一、二走去學韓文，加上聽得多韓文歌同綜藝節目，而家嘅韓文程度大概係去韓國自由行唔使中英文輔助，無字幕聽得明七、八成口語，Gmarket 用韓文版都無難度😎。

學語言為追星？

咁梗係唔係啦，學多一種 / 幾種語言睇嘅世界都大好多，例如 get 到其他文化語境嘅笑話、理解人地嘅社會、甚至有多啲就業機會，仲可以練埋記憶力、分析、表達能力等等。對我最大嘅幫助就係去旅行同人雞同鴨講都唔怕，聽唔明咪當學新嘅語言，估下啲生字同語氣。我之前去羅馬住民宿，屋主完全唔講英文，佢就好慢咁講意大利文再加啲手勢，我大概估到佢嘅意思就 si si 咁應，最後一齊笑咗。

仲有一個實用嘅好處就係網購同去旅行無咁驚比人呃，靠自己睇同買就得。好似 Gmarket 有時啲產品說明得韓文，睇得明成分、made in 邊度以避開某出產地就非常有用。而呢個年代有咁多先進科技 📱，用最平嘅方法體驗本地遊一啲都唔難， 靠 Google 走天下 🌏。

學好英文 荷包都易啲 fat fat

大家見我 buy 開 America 就知學好英文對你嘅財路有幾大幫助。唔單止買美市，同理財有關又有質素嘅 newsletter、書同文章，英文內容真係好多好多好多（想知我平時睇開咩 click here）。無論你興趣係咩，多啲睇英文，財路都闊啲！

祝大家荷包早日fat fat 🤑

- me want faat daat