🧐應急錢要幾多先夠❓

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入黎啦！

啱啱轉工開始越嚟越忙，再加上腦閉塞停咗陣 🫠，我都唔想交唔到貨又寫埋啲無聊嘢 🥲，請見諒同多謝大家仲肯 click 嚟睇。

十萬應急錢

我未畢業之前一直努力向「一畢業就有十萬」嘅目標進發，原因係 1）原本無打算即刻做社蓄，諗住周圍去旅行 2）就算揸兜都夠過一年，點知撞正疫情 + 真。揸兜咗半年先有第一份 full time。

但我個應急基金無因為呢半年少咗錢，因為我不斷做 part time，搵嘅錢同畢業公價差唔到好多。而家諗翻最後悔嘅係嗰陣無投資，淨係傻更更咁儲錢，錯失咗最 fat fat 嘅股市。 至於「十萬」呢個數字點嚟，可能係細個覺得十萬係天文數字，而且除翻開十二個月，每個月八千三對我係綽綽有餘（日日係屋企邊用得幾多錢）。開始投資同有份穩定長工之後，我就減咗應急錢。

「十萬」其實儲多咗

我嘅應急基金係三個月無任何收入下隨時都攞到出嚟嘅現金，以大部分人嘅消費習慣根本用唔著十萬，而應急錢亦唔應該係以下來源：

1. 中、長期儲蓄到抽出嚟

2. 碌信用卡

3. 借屋企人 / 朋友 / 大耳窿錢

4. 賣股票

應急錢同中、長期儲蓄係兩個概念嚟，後者係儲嚟以防日後不時之需同達成長遠目標，不時之需可能係失業一段長時間或者老咗突然有筆醫療開支，長遠目標可以係退休、打算環遊世界等等，而呢筆錢預計係五年、十年內都用唔著，擺床下底梗係浪費，咁就可以攞嚟做定期或者買債，例如美國有得買一個月、三個月、半年、一年到期嘅短債 T bill，近排利率上到 4% 係過去幾年都無見過。

最後就係儲夠呢筆應急錢就好開始投資！如果筆錢一年內都用唔著，而你又由得佢係枕頭下面，咁就浪費曬增值嘅機會，好似標普一月升咗 6%，你一日唔入市就唔知幾時 enjoy 到個勢！

祝大家荷包早日fat fat 🤑

- me want faat daat