吹奏 MPF 唔是咁樣9噏的

多謝大家支持 me want faat daat！如果想睇多幾篇，或者想推薦其他朋友睇，咁就要快啲 click 下面個制 subscribe 喇 👇

想睇我之前寫過咩？快啲 click入嚟啦！

me want faat daat 嘅朋友們應該都好清楚我對強積金的態度 😎，總之就係支持政府早日拍板全自由行！

今日 YouTube 推呢條 bowtie 講 MPF 嘅片我睇：

睇完我嘅反應係

當然我更加多謝呢條片比靈感我寫嘢（對唔住大家，又食言 skip 咗六月🤣），即刻抽幾個點，寫翻篇還擊條片先。

半自由行玩法

條片九分半鐘到嘅時候，個專家話eMPF開通後開始可以做半自由行，跟住話「理論上今個月公司幫我供嘅千五蚊，下個月就可以轉移個千五蚊」。

現實：半自由行未有 eMPF 已經有，只不過就係要填一大堆無聊文件，然後寄翻去你揀嘅基金公司（陰謀論：可能就係搞到咁麻煩、咁複雜，好多人就無動力去處理）。

另外，你係轉唔走公司強制性供款嗰 part，半自由行係只可以轉走你（僱員）供款嗰一半，而且暫時每年只可以轉移一次，即是理論上可以下個月就轉，但跟住就要等成年再搞。

懶人基金 ─ 預設投資策略（DIS）係咩嚟

條片到十七分鐘講到 DIS（其實就係似 target date fund，當你仲未夠60歲會幫你入核心累積基金，即是 6 股票：4 債券咁買，過60歲就會開始降低股票比例到 2：8），一年賺十幾個%，me 心諗：如果 6：4比咁好搵，咁就真係可以吹奏 MPF而唔係 VOO 啦🤣。

睇翻強積金平台數據，每間公司嘅核心累積基金表現各有不同，每年平均 4.X% 到 7.X% 都有，而 VOO 自2010 創辦以嚟做到～15%，同埋大家唔好忘記，VOO 管理費係 0.03%，DIS 係 0.7X %，呢度都輸幾多條街。

專家仲話64比唔算保守，咁風險嘅嘢真係因人而異喇，比著我未到退休年紀都 100% 股票！跑輸通脹 / 錯失提早發達嘅機會仲大風險啊！

MPF 嘅優點

除咗強迫（懶）人儲錢之外（條片其中一位 bowtie 高層話從你嘅口袋將錢攞走🤣，係咪反諷嚟！），對唔住，我真係睇唔到對一般僱員有咩好處。啊專家係大概廿一分鐘話，MPF 好處係無認購費同外匯轉換費用，me真係哈哈哈哈哈，有本事計埋管理費、篤成盤數比大家睇啊。

Me want faat daat 寫過唔止一次，今時今日自己買股票 ETF 嘅成本真係低到一個點，你開個 IB account 無成本，買一次嘅手續費都只係 $1 美金，而且轉外幣幾乎等於牌價，手續費都係～$2美金，同銀行換唔知差幾多。

啊專家跟住係到話有啲主動型基金都好好ga，揀啲潛力比較高嘅公司投資 Blah blah blah，呢度我真係駁都費事了，浪費口水，大家睇翻之前寫唔好揀個股、買指數型基金嘅相關文章就可以。

呢排股市得幾隻個別股票升？

啊專家話近期升股不升市，我真係唔知笑定喊好，專家隨口噏都得？！

2026 至今有 47.3% 公司跑贏標普500，咁樣叫幾隻？

再睇埋下面兩張圖，其他 493 隻股票近年係跑贏 Mag 7，今年更加拉開一大截，即是呢個牛市唔係靠幾隻股票帶起的：

想係香港地 fat fat 咁退休？靠自己無問題的

自己開 brokerage account 都可以係好嘅個人長期投資！只要你夠自律，有理財目標同計劃，咁就唔使 MPF 迫你都肯定可以儲夠錢退休！

祝大家荷包早日fat fat 🤑

- me want faat daat