健康最慳錢

多謝大家支持 me want faat daat！如果你睇完呢篇文覺得可以睇多幾篇，又或者想推薦其他朋友睇，咁就要快啲  click 下面個制  subscribe 喇 👇

想睇我之前寫過咩？快啲 click入黎啦！

上星期停產係因為我（終於）都中咗肺炎，成為新人類 😆！好彩係普通感冒咁，完全唔使食藥。更好彩係我老闆幾 flexible，就咁 email 講聲唔使特登請假，呢個月人工 safe ✌️。

我無印象對上一次病係幾時，至少疫情呢三年都無病過，最多係讀書嗰陣有一、兩次生眼挑針而去睇街症，最後一次因為病而睇私家應該係幼稚園出水痘。當我知道而家睇一次私家要幾百蚊真係嚇一跳，平時發燒感冒都好少食藥，但係出去睇兩分鐘醫生就要 $4、500？！無咩事我都係翻去打電話排街症了 🥴。

健康點樣慳錢法？

睇翻政府統計處 2019/20 年住戶開支統計調查，一個住戶平均每個月嘅醫療開支 = $777，佔總開支 2.6%。假設一個住戶平均有 3 個人，每個人每月 = $259，一年 = $3108。如果得 2 個人，每個人每月 = $388.5，一年 = $4,662。

至於醫務衛生局 2019/20 年度醫療衞生總開支數據，每人每年平均開支係 $25,258，當 7 成係公院包，淨翻 3 成係睇私家，然後一半有得 claim 保險，自己每年埋單就係 $ 3,788.7，同上面住戶調查數字差唔多。

如果你好似我咁好耐都唔睇一次醫生，呢筆每年三、四千嘅開支就可以完全慳咗佢。$4,000 可以做到啲咩？當利率 4%，擺 20 年會變 double 有多，唔使成日睇醫生真係有得賺 ga！

更重要係邊個想一日到黑周身病痛？比 $1 億你都無得嘆啦，有邊個諗住發達唔係想做自己中意嘅事？尤其後生最有精力同時間，呢個時候嚟成日病就唔抵啦。如果你而家捱更通頂都無事，就更加要小心身體日後還比你嘅「複利」喇。

今日開始過健康又富有嘅人生啦

好似我呢啲唔做運動嘅人（每日坐 + 訓至少 22 個鐘 shame），平時食得多新鮮蔬果已經對免疫系統有咁大幫助，再做埋運動咪無敵。我地嘅目標就係 be healthy, young & rich 😎！ 

祝大家荷包早日fat fat 🤑

- me want faat daat